མདོར་བསྡུས་བརྗོད་པ།ཟླ་བཅུ་གཅིག་པའི་བོད་ལྗོངས་མངའ་རིས་ས་ཁུལ་གྱི་དྲོད་ཚད་དམའ་ཤོས་ཀླད་ཀོར་འོག་གི་ཧྲེ་ཧྲི་ཏུའུ་བཅུ་ལྷག་ཙམ་བར་ཆག་ཡོད། ཉེ་ཆར།བོད་ལྗོངས་མངའ་རིས་མཐའ་མཚམས་དོ་དམ་ཉིང་ལག་རུ་ཁག་རི་ཐུའུ་མཐའ་མཚམས་མངགས་གཏོང་ཁང་གི་སྡེ་ཁུལ་ཉེན་རྟོག་པའི་ཉེན་རྟོག་པ་ཚེ་རིང་ནོར་བུ་དང་ཀྲང་ཐེན་ཡུས་རླངས་འཁོར་ནང་ཆུ་ཚོད་གཅིག་ལྷག་ཙམ་བསྡད་དེ་འབྲོག་པ་པད་མ་རྡོ་རྗེ་སྐྱེས་མ་ཐག་པའི་བུ་སྒོ་རྩར་ཡོང་ནས་ལག་ཁྱེར་སྤྲད་པ་རེད།

  ཟླ་11པའི་བོད་ལྗོངས་མངའ་རིས་ས་ཁུལ་གྱི་དྲོད་ཚད་དམའ་ཤོས་ཀླད་ཀོར་འོག་གི་ཧྲེ་ཧྲི་ཏུའུ་བཅུ་ལྷག་ཙམ་བར་ཆག་ཡོད་པ་རེད། ཉེ་ཆར།བོད་ལྗོངས་མངའ་རིས་མཐའ་མཚམས་དོ་དམ་ཉིང་ལག་རུ་ཁག་རི་ཐུའུ་མཐའ་མཚམས་མངགས་གཏོང་ཁང་གི་སྡེ་ཁུལ་ཉེན་རྟོག་པའི་ཉེན་རྟོག་པ་ཚེ་རིང་ནོར་བུ་དང་ཀྲང་ཐེན་ཡུས་རླངས་འཁོར་ནང་ཆུ་ཚོད་གཅིག་ལྷག་ཙམ་བསྡད་དེ་འབྲོག་པ་པད་མ་རྡོ་རྗེ་སྐྱེས་མ་ཐག་པའི་ཕྲུ་གུར་སྒོ་རྩར་ལག་ཁྱེར་སྤྲད་ཅིང་།

  འདི་ནི་རི་ཐུའུ་མཐའ་མཚམས་མངགས་གཏོང་ཁང་གི་མི་དམངས་ཉེན་རྟོག་པ་རྒྱུན་ལྡན་གྱི་ཉིན་མོ་ཞིག་རེད། མཐའ་མཚམས་མངགས་གཏོང་ཁང་གི་ཁོངས་གཏོགས་དེ་བོད་རང་སྐྱོང་ལྗོངས་མངའ་རིས་ས་ཁུལ་གྱི་ནུབ་བྱང་རྒྱུད་དུ་གནས་པ་དང་ཁ་ལ་ཁུ་ནུ་རི་བོའི་རི་རྒྱུད་དང་ཀང་ཏི་སེའི་རི་རྒྱུད་དེ་ས་ཁོངས་ཡོངས་སུ་འཕྲེད་བཅད་བྱས་ཡོད་པ་རེད། རུ་ཐོག་རྫོང་ནི་རོང་མ་འབྲོག་གི་མཐའ་མཚམས་རྫོང་ཞིག་ཡིན་ཞིང་།ཞིང་འབྲོག་མང་ཚོགས་རྣམས་སྡོད་གནས་ཁ་ཐོར་ཡིན་པས་ཕྱི་ལ་ཕྱིན་ནས་ལས་ཀ་བྱེད་པར་ཧ་ཅང་སྟབས་བདེ་པོ་མེད།

 མངགས་གཏོང་ཁང་གི་འགན་འཁུར་བས་ཁོངས་གཏོགས་ཁུལ་གྱི་དོན་དངོས་གནས་ཚུལ་ལ་དམིགས་ནས་མངགས་གཏོང་ཁང་གིས“ཕུའུ་ཅང་ཉམས་མྱོང་དང་།

 ཟླ་11ཚེས་10ཉིན་མངགས་གཏོང་ཁང་ལ་ཁོངས་གཏོགས་ཀྱི་ཟ་ཁང་ཞིག་གི་འགན་འཁུར་བས་ཉེན་རྟོག་པས་ས་གནས་ས་ཐོག་ཏུ་འབྱོར་རྗེས་ཟ་ཁང་དུ་ཐུག་འཕྲད་བྱེད་མཁན་སྐུ་ཞབས་ཀྲུའུ་ལགས་དང་སྐུ་ཞབས་ཀུའོ་ལགས་དབར་ལས་གྲྭའི་གནད་དོན་ཐད་རྩོད་གཞི་ཐོན་ནས་འགལ་བ་དེ་ཡན་ལག་གདོང་ཐུག་ཏུ་གྱུར་པ་ཤེས་རྟོགས་བྱུང་བ་རེད། མི་དམངས་ཉེན་རྟོག་པས་དེ་གར་ཡོང་རྗེས་ཕྱོགས་གཉིས་པོའི་རེ་ཞུ་དང་བསམ་འཆར་ཉན་རྗེས་སླར་ཡང་ཕྱོགས་གཉིས་པོར་སེམས་གསོ་བཏང་ནས་ཛ་དྲག་གི་བསམ་ཚུལ་ཞི་ལྷོད་དུ་བཏང་བ་དང་འབྲེལ་འགལ་བའི་དོན་དངོས་དང་ཟུང་འབྲེལ་གྱིས་ངང་རྒྱུད་རིང་པོས་གནས་ལུགས་བརྗོད་མཐར་ཕྱོགས་གཉིས་པོའི་དབར་འདུམ་འགྲིག་བྱུང་བ་རེད། “ཁྱེད་ཚོས་འདུམ་འགྲིག་བྱས་པར་ཐུགས་རྗེ་ཆེ་ཞུ་རྒྱུ་ཡིན།ང་ཚོ་བློ་ཡིད་ཚིམ་པོ་འདུགབྱ་བ་དེ་ད་ལྟ་ནས་འགོ་ཚུགས་ཏེ་འདས་སོང་།ཁྱེད་ཚོ་སྐུ་ལས་ཁག་སོང”ཞེས་བཤད། ཕྱོགས་གཉིས་པོས་མི་དམངས་ཉེན་རྟོག་པའི་འདུམ་འགྲིག་ལ་ཐུགས་རྗེ་ཆེ་།

  ཉེ་བའི་ལོ་ཤས་རིང་།རི་ཐུའུ་མཐའ་མཚམས་མངགས་གཏོང་ཁང་གི་མངའ་ཁོངས་སུ་ལས་གྲྭ་འཛུགས་སྐྲུན་བྱེད་ཤུགས་རིམ་བཞིན་ཆེ་རུ་ཕྱིན་ནས་མངགས་གཏོང་ཁང་གིས་རང་འགུལ་ངང་ཉེན་དོན་ལས་དོན་སྤེལ་འགོ་ཚུགས་ཏེ་འགལ་ཟླ་དང་མངོན་མེད་རྐྱེན་ངན་སྣ་ཚོགས་དུས་ཐོག་ཏུ་སེལ་ནས་ལས་ཡུལ་གྱི་ཁེ་ལས་དང་ཚད་ལྡན་ཅན་གྱི་ཉེན་རྟོག་ཚོང་པ་འབྲེལ་གཏུག་ཐབས་ལམ་བཙུགས་ཏེ་ཁེ་ལས་ཀྱི་བསམ་འཆར་དང་གྲོས་འགོ་གང་ལེགས་ཉན་པ་དང་ལས་སྒྲུབ་རྩིས་ཐོ་བཟོས་ནས་བཏོན་པའི་གནད་དོན་ལ་འཕྲལ་མར་དང་ལེན་དང་།འཕྲལ་མར་ཐག་གཅོད།འཕྲལ་མར་ལྡོག་འདྲེན་བཅས་བྱས་ཏེ་ཨར་སྐྲུན་ཁེ་ལས་ལ་དངོས་ཡོད་གནད་དོན་ཐག་གཅོད་ཏན་ཏིག་བྱས་པ་རེད། འདི་ལོ་མངགས་གཏོང་ཁང་དེས་འགལ་བ་དང་རྩོད་གཞི་སྣ་ཚོགས་223སྔ་རྗེས་སུ་འདུམ་འགྲིག་བྱས་པ་དང་།ཁྱིམ་ཚང་གི་གཏུམ་སྤྱོད་བསླབ་བྱའི་ཡི་གེ་3གཤམ་སྤྲོད་བྱས་པ།བདེ་འཇགས་ཀྱི་མི་མངོན་པའི་རྐྱེན་ངན་20ལྷག་ཙམ་གྲལ་བཤེར་བྱས་པ།འགལ་བ་སེལ་ཚད་100%ཟིན་པ་བཅས་རེད།

  2022ལོའི་ཟླ་གཉིས་པར་མངགས་གཏོང་ཁང་གི་མི་དམངས་ཉེན་རྟོག་པ་དུད་ཚང་དུ་བཅར་འདྲིར་སྐྱོད་སྐབས་རི་ཐོག་གྲོང་ཚོའི་གྲོང་མི་ཐུབ་བསྟན་ཉི་མ་ཆུང་དུས་རྨས་སྐྱོན་ཕོག་ནས་གཟུགས་སྨད་ཞ་བར་གྱུར་ཏེ་མངགས་གཏོང་ཁང་གནས་ཡུལ་དུ་ཐོབ་ཐང་ལག་ཁྱེར་གསར་པ་གཉེར་ཐབས་བྲལ་བས་གནས་ཚུལ་དེ་ཤེས་རྟོགས་བྱུང་རྗེས་ཐེམ་ཐོའི་མི་དམངས་ཉེན་རྟོག་པས་འཕྲལ་མར་ལྟོ་ཕད་ནང་ནས་པར་ཆས་བླངས་ཏེ་རྒྱབ་ལྗོངས་ཀྱི་རས་བཀོད་སྒྲིག་ཡག་པོ་བྱས་ཏེ་ཐུབ་བསྟན་ཉི་མ་གྱང་འགྲམ་ནས་སྐྱོར་ཏེ་པར་རྒྱག་གི་ཡོད་པ་རེད། ཐེམ་ཐོའི་མི་དམངས་ཉེན་རྟོག་པས་ཐོབ་ཐང་ལག་ཁྱེར་ཡག་པོ་གཉེར་རྗེས་སླར་ཡང་ལག་ཁྱེར་དོ་བདག་ལ་སྤྲད་ཡོད་པ་རེད།

 ཁོངས་གཏོགས་ཁུལ་གྱི་རྒན་རྒོན་དང་དབང་པོ་སྐྱོན་ཅན་ལ་དུས་ཐོག་ཏུ་གྲོང་མིའི་ཐོབ་ཐང་ལག་ཁྱེར་མི་རབས་གཉིས་པ་གསབ་གཉེར་བྱེད་རོགས་བྱ་ཆེད།ཐེམ་ཐོའི་མི་དམངས་ཉེན་རྟོག་པས་གཟའ་མཇུག་ཏུ་པར་ཆས་དང་གློག་ཀླད་སོགས་ལག་ཁྱེར་གཉེར་བའི་སྒྲིག་ཆས་ཁྱེར་ནས་དམངས་ཚོགས་ཀྱི་ཁྱིམ་དུ་པར་ལེན་དང་འཚོལ་བསྡུ་བྱས་ཏེ་ཞིང་འབྲོག་པ་སྒོ་རྩར་བསྐྱོད་དེ་ལག་ཁྱེར་གཉེར་བ་རེད། “ང་ཚོའི་རྒྱབ་ཁུག་གི་ཉེན་དོན་དེས‘མང་ཤོས’དེ‘མང་ཤོས’ནས‘ཐེངས་གཅིག་ཀྱང་མི་རྒྱུག་པར’རིམ་སྤོར་བྱས་ཏེ་བྱ་ཐབས་གསར་གཏོད་བྱས་ནས་ཁོངས་གཏོགས་ཁུལ་གྱི་ཞིང་འབྲོག་པ་དང་ཨར་ལས་ཁེ་ལས་ཀྱི་ལས་བཟོའི་དུས་ཚོད་གྲོན་ཆུང་ཐུབ་ཡོད” ཅེས་མངགས་གཏོང་ཁང་གི་ཐེམ་ཐོ་མི་དམངས་ཉེན་རྟོག་པ་ཡོན་ཏེང་གིས་བཤད།

  འདི་ལོ་ནས་བཟུང་རི་ཐུའུ་མཐའ་མཚམས་མངགས་གཏོང་ཁང་གིས་ཁོངས་གཏོགས་ཁུལ་གྱི་ཞིང་འབྲོག་པར་ཐོབ་ཐང་ལག་ཁྱེར་ཐེངས་18གཉེར་བ་དང་།རྒན་རྒོན་དང་དབང་པོ་སྐྱོན་ཅན་ལ་ལག་ཁྱེར་ཐེངས་5གཉེར་བ།ཕྱི་ནས་གླ་པར་ཡོང་མཁན་ལ་གནས་སྡོད་ལག་ཁྱེར་ཁག་616གཉེར་བ་བཅས་རེད། མངགས་གཏོང་ཁང་གི་སློབ་སྟོན་བ་ཧྲེན་ཞའོ་ཁྲོན་གྱིས་ལྟོ་ཕད་དཀྱུས་མ་ཞིག་གི་ནང་དམངས་ཀྱི་བསམ་འདུན་དང་།དམངས་ཀྱི་སེམས་ཁྲལ།དམངས་ཀྱི་གནས་ཚུལ་བཅས་ཚུད་ཡོད།རི་ཐུའུ་མཐའ་མཚམས་མངགས་གཏོང་ཁང་གིས་འགྲོ་སྐྱོད་བྱེད་པའི“ཉེན་དོན་རྒྱབ་ཁུག”བརྒྱུད་མང་ཚོགས་ལ་ཉམས་ལེན་དེ་བས་མང་བ་ཐོབ་ནས་གཞི་རིམ་གྱི་ཉེན་དོན་དེ་བས་དམངས་ལ་ཕན་པ་དང་དམངས་ལ་ཕན་པ་འདོགས་རྒྱུ་ཡིན་ཞེས་བཤད་པ་རེད།