གླུ་ལ་སྡོད་པའི་ཁྱིམ་ཞེས་པ་ནི་བུ་མོ་མནའ་མར་སོང་བའི་ཉིན་ཞིག་གི་དགོང་མོ་ཡིན་ཞིང་།མནའ་མ་དང་བུ་མོ་བག་མར་སྡོད་མཁན་ཕྱོགས་གཅིག་ཡིན་པ་དང་།མནའ་མ་དང་ཨ་ནེ།དེ་བཞིན་མནའ་མར་སོང་བའི་གཅེན་གཅུང་ཕྱོགས་གཅིག་བྱས་ནས་ཕན་ཚུན་གླུ་གཞས་གཏོང་རེས་བྱེད་ཀྱི་ཡོད། གཞས་ལ་ལང་དང་།ཏའོ་ཆིང་།ཕན་ཀོན་བཅས་ཁག་གསུམ་ཡོད། ཨ་ནེ་དང་སྲི་མོའི་ཕྱོགས་ཀྱིས་དྲིས་པར།མནའ་མ་ཕྱོགས་གཅིག་གིས་མག་པ་ཡི་མི་གཤིས་དང་།ཕྱིའི་རྣམ་པ།དགའ་རོགས་ཀྱི་བརྒྱུད་རིམ་བཅས་ལ་ལན་བཏབ། “ལུགས་ཀྱི་བརྩེ་བ”ནི་གཞས་ཀྱི་ལྟེ་བ་ཡིན། ཕྱོགས་གཉིས་པོས་དཔེ་དང་གཉིས་ལྡན་སོགས་ཀྱི་བྱེད་ཐབས་འབོར་ཆེན་སྤྱད་དེ་ཐུན་མོང་ཐོག་མཉམ་གནས་བྱེད་པའི་མཛེས་སྡུག་ལྡན་པའི་ལོ་ཟླ་ཕྱིར་དྲན་བྱས་ནས་ཁ་བྲལ་རྒྱུར་མི་དགའ་བའི་བརྩེ་སེམས་མཚོན་པར་བྱས་ཡོད། ཕ་མའི་གཅེན་པོས་ཇི་ལྟར་བྱས་ནས་མི་དང་མིའི་བར་གྱི་འབྲེལ་བར་བསྒུག་རྒྱུ་དང་།རྒན་བཀུར་གཞོན་གཅེས།བརྩོན་བསྲིས་ཁྱིམ་སྐྱོང་།མནའ་མ་དང་ཁྱོ་ཤུག་གི་འབྲེལ་བ་སོགས་ཐག་གཅོད་ལེགས་པོ་བྱ་རྒྱུ་སོགས་མནའ་མ་ལ་ལེན་དུ་བཅུག་པར་མནའ་མ་རྣམས་ཀྱིས་རེ་རེ་བཞིན་ལན་བཏབ། འདི་དོན་དངོས་ཐོག་མནའ་མ་དང་བྲལ་ཁར་རྒན་རབས་ཀྱིས་ཁོ་མོར་ཡ་རབས་གུས་ཞབས་ཀྱི་སློབ་གསོ་བཏང་བ་རེད། མནའ་མས་ཀྱང་ཕ་མའི་གཅེན་མོར་བསམ་འཆར་བཤད་ཆོགརྣོ་ངར་ཇི་ཙམ་ཆེ་ཡང་ཕ་མའི་གཅེན་མོར་ཡང་ཁོང་ཁྲོ་ཟ་མི་ཐུབ། འདི་དག་ཚང་མ་ཡའོ་ཚང་གི་སྲོལ་རྒྱུན་བཟང་པོ་རེད་ཅེས་བཤད་ཆོག་ལ།ཡའོ་ཚང་གི་མ་སྨད་གཉིས་ཀྱི་བརྩེ་བ་དང་ཨ་ནེ་འཆམ་མཐུན་གྱི་རྒྱུ་རྐྱེན་གལ་ཆེན་ཞིག་ཀྱང་རེད། “གླུ་དབྱངས”ཞེས་པ་ནི་གླུ་གཏོང་མཁན་ཕྱོགས་གཉིས་པོས་ཕན་ཚུན་གབ་ཚིག་ཤེས་པ་དང་།གླུ་གཞས་ཀྱི་འགྱུར་ཁུག་སྙན་པ།གླུ་གཞས་གཏོང་ཁང་དུ་དགའ་སྤྲོའི་རྣམ་པས་ཁེངས་པ།བྱ་ཕོ་དང་ཐོ་རེངས་སུ་ལེན་པ།མནའ་མ་བསུ་མཁན་གྱི་མི་རྣམས་སླེབས་པ་བཅས་ཀྱི་བར་དུ་གཞས་དེ་གཏོང་གི་ཡོད།